سهرهتا
پۆستی ئهلیکتڕۆنی
ئهرشیف
هاوڕێیان
دهربارهی من :: بهستهری بهکهڵک ::
پێشمەرگەکــــــــــــــــــــــــــــــــــــان
خاکەلێــــــــــــــــــــــــــــــــــــــــــــــوە
کوردستان نێــــــــــــــــــــــــــــــــــت
ماڵپهڕی قوبــــــــــــــــــــــــــــــادی
ڕۆژنامهی میتـــــــــــــــــــــــــــــــرۆ
ئافــتـــــــــــــــون بلادێــــــــــــــــت
داگێنس نیــهــــــــــێـــــــــــــــتـــــر
دەنگـــــــــــــــــــــــــــــــــــهکــــــــــان
پارتی سهربهستی کوردستان
ئاژانسی ســـــــــــــهربـــــــــهخۆ
:: لۆگۆی دۆستان ::
RSS
دیمانهی سایتی هونهرلاند له گهڵ من
سهرهتا ئهگهر بکرێت به کورتی خۆت به خوێنهرانی ماڵپهڕی هونهرلاند بناسێنیت؟
پێشهکی سوپاس بۆ ئهم دهرفهته. به کورتی من ئهحمهد خوسرهوی خهڵکی ناوچهی باوهجانی سهر به پارێزگای کرماشانی ڕۆژههڵاتی کوردستانم. له ساڵی 1981 له باشووری کوردستان له دایك بووم. ساڵی 1982 له لایهن ڕژیمی بهعسی سهدامییهوه به بێ ویستی خۆمان بۆ ئوردوگای ئهلتاش یان ڕومادی له خوارووی شاری ڕومادی گوێزراینهوه. تا ساڵی 2003 لهو ئوردوگایه ژیاوم و له ئهپریلی 2003 ئاوارهی سنووری عێراق و ئهردهن بووم و له ئوردوگاکانی ئهلکهرامه و ئهلڕۆیشد نزیك 3 ساڵ و نیو مامهوه و پاشان له سێپتهمبهری 2006 به هاوکاری کومیساریای باڵای نهتهوهیهکگرتووهکان بۆ کارووباری پهنابهران وهك پهنابهر بۆ وڵاتی سوئید سهفهرم کرد. ئێستاش ئهوه دوو مانگ ئهبێت له وڵاتی ئیرلهند ئهژیم.
له کهیهوه شیعر ئهنووسیت و یهکهم شیعر که نووسیت ناوی چی بوو؟
ئهگهر ئهوهی وا نووسیومن به شیعر بژمێردرێن، ماوهی پێنج ، شهش ساڵێك ئهبێت که ناو به ناو دهنووسم، یهکهم شیعر که نووسیم پێم وایه ناوی کوردستان بوو.
زیاتر شیعری کام شاعیر ئهخوێنیتهوه ؟
به گشتی ههر شاعیرێك شیعرهکانی چیژم پێ ببهخشێ، دهیخوێنمهوه.شاعیرێكی تایبهت نییه که ناوی بهرم.
کام له شیعرهکانی خۆتت زیاتر خۆش ئهوێت ؟
تهعبیرێك ههیه که ههمیشه دهوترێت. ئهمهوێت منیش ههر ئهوه بڵێمهوه. باوك و دایکێك که چهند منداڵیان ههبێت، ناکرێت که یهکێکیان لهوی دی زیاتر خۆش بوێ، بۆ شیعریش ههروایه. وهك له وڵامی پرسیاری دووهم دا ئاماژهم پێکرد ئهگهر ئهوانهی وا نووسیومن بکهونه خانهی شیعرهوه. ههموویان له لام وهك یهکن. ههر یهکهو له ساته وهختێکی تایبهتدا نووسراون ههر یهکهیان ئازار و ژانی خۆیان ههبووه.
به بڕوای تۆ به کێ دهتوانرێت بوترێت شاعیر ؟
به داخهوه ئهمڕۆ به چاوخشاندنێك به سایتهکاندا دهبینین که سهرگهردانییهك له بواری شیعر نووسینهوه سهری ههڵداوه. ههر کهسه و دوو هۆنراوه ئهنووسێت پێشناوی شاعیر یان هۆنراوه نووسی دهخرێته پێش ناوهکهیهوه. بهڵام به گشتی ئهو شیعرهی که جێی خۆی له دڵی خوێنهر دا ئهکاتهوه و نووسهرهکهی خاوهنی پێشێنهیهکی ڕۆشنبیری و ئهدهبییه.خاوهنهکهی شاعیری ڕاستهقینهیه.
خێزانت پێکهێناوه؟
بهڵێ.
تا ئێستا ههوڵت داوه شیعر بۆ هونهرمهندان بنووسیت ؟
له ناو شیعرهکانما شیعری واشم نووسیوه که بۆ گۆرانی بشێت، بهڵام تا ئێستا تایبهت بۆ هیچ هونهرمهندێكم نهنووسیوه.
جهنابت تهنیا شیعر ئهنووسیت ؟
نا، ههندێك جاریش وتار دهنووسم و جار و باریش له فارسییهوه بابهت وهرئهگێرمه سهر زمانی کوردی. له وێبلاگهکهمدا ئهتوانیت ههندێك له نووسینهکانم ببینیت.
www.zamdar.tk
له کۆتاییدا ئهگهر بتهوێت شتێك بڵێیت؟
جارێکی تر سوپاس بۆ ئهم دهرفهته و هیوای سهرکهوتن بۆ ئێوه و ههموو ئهوانهی که خزمهتی هونهر و وێژهی کوردی ئهکهن
ستافی هونهرلاند
سازدانی / لاولاو ئهلاکهرهمی
سایتی جەبار شیخانی و هەواڵێکی ناڕاست
هاوڕێکەم هاتە سەر خەت و پاش سڵاو و خێرا بێ ئەوەی چاوەڕێی عەلەیکی من بکات ، بۆمی نووسی ئەرێ تۆ هەواڵی کۆچی دوایی مامۆستا پەشیوت بیستووە ؟ کە خوێندمەوە لە جێی خۆم ویشك بووم و حەپەسام و بە خۆمم گوت بڵێی ڕاست بێ و دەستی چەپەڵی مەرگ ئەو کەڵە مرۆڤەشمان وا زوو لێ بسێنێت...
بۆم نووسا. نا برا... لە هیچ سایتێک دا ئەو هەواڵەم بەرچاو نەکەوتووە و یەکسەر بیرم بۆ ئەوە چوو کە ئەگەر ئەو هەواڵە ڕاست بێت حەتمەن ئێستا لە فەیس بووکدا دادەنرێت...تا من فریای نووسینی ناو و وشەی تێپەڕبوونم لە فەیس بووک کەوتم.ئەو لینکی سایتەکەی جەبار شێخانی بۆم نارد.هەواڵەکەم خوێندەوە..ژومارە تەلیفونێکیش لە گەڵ هەواڵەکەدا دانرا بوو بۆ ئەوەی کە بۆ کات و شوێنی پرسەکە پێوەندی پێوە بکرێت.. لەفەیس بووکدا هیچم نەبینا.. ئۆخژنێك بە دەروونم دا هات و زانیم هەواڵەکە لە راستییەوە دوورە.. بۆ تەواو دڵنیا بوون ، تەلیفونکەم هێنا و ژومارەی نووسراوم وەرگرت.. پاش سڵاو و چاک و چۆنی و داوای لێبووردن لە خاوەنی ژومارەکە کە موزاحیمی بووم ، هەواڵەکەم لێ پرسی...کابرا وتی کاکە من داوای لێبووردن دەکەم.. بڕوا بکە خەبەرم لە هیچ نییە و نازانم کێ بووە ئەو درۆیەی بڵاو کردووەتەوە و ژومارەی منی نووسیوە. ئەوە ئەمڕۆ سەدان کەس تا ئێستا پێوەندییان بە منەوە کردووە بۆ ئەو هەواڵە...شوکر هەواڵەکە بە درۆ دەرچوو..
لە کۆتاییدا بە بەڕێوەبەرانی ئەو سایتە دەڵێم کە لە بڵاو کردنەوەی هەواڵ دا ئەوەندە پەلە نەکەن و هیوای تەمەنێکی درێژ و تەندرووستی هەمیشەییش بۆ مامۆستا پەشێو دەخوازم...
له ڕیزبهندی جیهانی ئازادی چاپهمهنیدا له نێوان 175 وڵات ئێران له پلهی 172 ههم دایه . له فارسییهوه بۆ کوردی : ئهحمهد خوسرهوی سهرچاوه : بهشی فارسی سایتی العربیة ڕێکخراوهی ڕاپۆرتنێرانی بێ سنوور ، ڕیزبهندی جیهانی بۆ ئازادی چاپهمهنی بۆ ساڵی 2009 بڵاو کردهوه. له ڕاپۆرتی ئهو ڕێکخراوهیهدا هاتووه که ئێران له نێوان 175 وڵاتی جیهان دا له پلهی 166 ی ساڵی رابووردوی دا بۆ پلهی 172 ههم دابهزیوه. وڵاتانی تورکمهنستان،کوریای باکوور و ئهریتریا له سێ پلهی کۆتایی ئهو ڕیزبهندییهدا له دوای ئێرانهوهن. به پێی ئهو ڕاپۆرته که ڕێکهوتی 20 ی ئوکتوبری ئیمساڵ بڵاو کراوهتهوه ، ڕۆژنامهنووسانی ئێرانی ئیمساڵ له ههر کاتێكی دیکه زیاتر له لایهن حکومهتهوه ئازار دراون.
کاکه حهمهی حاجی مهحموود ببووره گهر دهڵێم وا نییه که تۆ دهفهرمووی...!
ئهحمهد خوسرهوی
12.10.2009
نووسهر نهبی و دهست ببهی بۆ نووسین وهك ئهوه وایه که شاخهوان نهبی و به شاخێكی بهرزدا ههڵزنێی.منیش نووسهر نیم بهڵام جار و بار دوای خوێندنهوهی هندێك ههواڵ و لێدوان و چی و چی تر هێندێک شتم له لا کۆ دهبێ ،که دهربڕینیان به ههر شێوهیهك بێت به باشتر دهزانم لهوهی که له ناخما بیانشارمهوه. ئهم چهند دێڕهی خوارهوهش له ئهنجامی خوێندنهوهی لێدوانێكی کاکه حهمهی حاجی مهحموود سکرتێری حیزبی سوسیالیست دیموکراتی کوردستان له گهڵ دهنگی کوردی تاران به بهرههم هات.
له کاتێکدا که ڕووی دزێوی کۆماری ئیسلامی زیاتر بۆ دونیای دهرهوه دهناسرێ و ڕۆژ له دوای ڕۆژ لاپهڕهی زیاتر به کتێبی جینایهتهکانی ڕژیم ئیزافهدهبێ......
درێژهی بابهت...بڕیاری دهوڵهتی تورکیا بۆ ئازادی زمانی کوردی، بڕیارێکی سیاسییه.
دیمانهیهك له گهڵ عیرفان قانعی فهرد
سازدانی : فرنگیس محبی
وهرگێرانی : ئهحمهد خوسرهوی
لهم دوایییانهدا دهوڵهتی تورکیا خوێندنی به زمانی کوردی له زانکۆکانی ئهو وڵاتهدا
ئازاد کرد. ئهم ههنگاوهی دهوڵهتی تورکیه له درێژهی دهستهبهر کردنی مافهکانی
شارۆمهندی کوردهکان دێت که یهکێکه له مهرجهکانی یهکێتی ئوروپا بۆ به ئهندام
وهرگرتنی تورکیا لهو یهکێتییهدا.
له ماوهی شهش مانگی ڕابووردوو دا ئهمه دهبیته دووهمێن خاڵێك که وڵاتی تورکیا
بۆ ڕازی کردنی یهکێتی ئوروپا، به کوردهکانی ئهو وڵاتهی داوه. ماوهیهك پێش، بۆ یهکهم
جارله تورکیا تهلهفزیۆنێك به زمانی کوردی دهستی به وهشان کرد.
دوای تۆ
ئهحمهد خوسرهوی
18.03.2009
1
دوای تۆ ئیدی
مهلی دڵم له قهفهسی تهنگی
سێنگما بهند دهکهم و
لێ ناگهڕێم
سهر چڵی هیچ درهختێك
بکاته هێلانه بۆ خۆی
2
دوای تۆ ئیدی
پاپۆڕی لهنگهر گرتووی
کهنار دهریای کامهرانیم
به دهم شهپۆلی خهمهوه
سهرگهردانه
درێژهی بابهت...
| نهورۆز و چهند پرسێك له ڕوانگهی چهندین کهسی جیاوازهوه |
|
ئه_زامدار
|
کاك سهفهر میرزادهی بهڕێز 3 بابهتی خۆی بۆم ناردووه که لهم وێبلاگهدا بڵاویان کهمهوه، بۆ خوێندنهوهی ههر سێ نووسینهکهی کاك سهفهر کلیکی درێژهی بابهت بکهن
درێژهی بابهت...چهند کۆپله شیعر
سیروان
بێخاکین و بۆێشی تێناکۆشین
بشماندهنێ،زوو به خهڵکی ئهفرۆشین!
ههمووکهس ههیهتی تیکهیهک ئهرد و خاک
دهیپارێزێ، له دهستی پیس و ناپاک
ههر کوردهیه له خاک و .............
درێژهی بابهت...چهند ههناسهی شیعری
گهلاوێژ حهمه قادر
************
بڕیار
ئیتر نابم بهو بارانهی
خهمی ڕووی تۆ بشۆمهوه،
ههرگیز نات کهم به ئاوێنه و
خۆم له تۆدا ببینمهوه!
بێوهفا بووی وهکو پاییز
له پڕ هاتی..............
درێژهی بابهت...بۆ تۆ 12
ئهحمهد خوسرهوی
2009-01-27
( 1 )
دوا ئس ئم ئست له لامه
که فهرمووته
( مانای ئهوینم نهزانی
تۆ ئهو وانهیهت فێر کردم،
ئێستاکه من دڵێکم ههس پڕ له ئهوین
پێشکهش بێ پێت. ).
( 2 )
دهمێکه دهنگت نابیسم،
نه ئس ئم ئسێك دهنێری بۆم،
نه لێم دهپرسی ههواڵێ..
زۆر دهترسم
پهڕی گوڵی ئهو بهڵێنهی که پێت دابووم،
فڕهت دابوو بێته ژێر پێت...
( 3 )
له یهزدان دهپاڕێمهوه
ئهو گریمانهم درۆ بێت،
ئاخر کچێ..!
بۆ خاتری ئهو جوانییهت
که هیچ شتێ وێنهی له وێنهی
ئهو ناچێ...!
دهپێم ناڵێی
گهر بێ ڕهحمی وا بنوێنی
ئهبێ چۆن بێ
حاڵی دڵی منێکی بۆ تۆی
ڤینوس شهیدا و شێت...؟
ژن ، پیاو و هاوسهرگیری له پهند و وتهی وڵاتهکاندا
و . ئهحمهد خوسرهوی
* ئهو پیاوهی که له بهر خاتری پاره له گهڵ ئافرهتێکدا ژیانی هاوبهش پێك دێنێ ، وهك ئهوه وایه که بۆ نۆکهری بڕوات. ( فهرهنسهوی )
* ژنی بهختهوهر ئهو ژنهیه که گوێڕایهڵی مێردهکهی بێت. ( یونانی )
* ژن و پیاو ئهگهر یهکتریان گهرهك بێت ، ئهوه دهتوانن له کهلاوهیهکیش دا پێکهوه بژین . ( ئهلمانی )
* کچی ئاقڵ ههرگیز پیرهمێردێکی خاوهن سامان له لاوێکی ههژار به باشتر نازانێت. ( ئیتالی )
* له کاتی هاوسهرگیری دا زیاتر به گوێکانت ڕاوێژ بکه تا به چاوهکانت. ( ئهلمانی )
* دوو جۆر ئافرهت ههن ، له گهڵ یهکیان دهولهمهند دهبیت، له گهڵ یهکیان لات. ( ئیتالی )
* له کاتی کڕینی پارچهدا تهماشای کهنارهکانی بکه ، له کاتی هاوسهرگیری دا ههمیشه له مهڕ دایکی کچه پرسیار بکه. ( ئازهربایجانی )
* ئهگهر ئافرهتێك ویستی که له بهر خاتری پووڵهکهت ببێته هاوبهشی ژیانت ، ببه . بهڵام ههمیشه پووڵهکهت دوور له ئهو ههڵبگره. ( تورکی )
* گرێبهستی هاوسهرگیری ، پیرۆزترین گرێبهسته. ( ماری ئامپر )
* هاوسهرگیری وهك شووتی وایه ، هندێك جار باش دهردهچێت ، هندێك جاریش زۆر خراپ. ( ئیسپانی )
* هاوسهرگیری زوو، ههڵهیهکی گهورهیه ، دێریش، ههڵهیهکه گهورهتر . ( فهرانسهوی )
* هاوسهرگرتن و هاوسهر نهگرتن ههر دوو دهبنه هۆی پهشیمانی . ( سوقرات )
* هاوسهرگیری وهك بهڕێوهبردنی پیلانی شهڕێکه، ئهگهر ههڵهیهك ڕوویدا ، درووست کردنهوهی مهحاڵه. ( بورنز )
* هاوسهرگیرییهك که له بهر خاتری پووڵ بکرێت ، ههر له بهر پووڵیش تێکدهچێت. ( رولاند )
* هاوسهرگیری ههمیشه کۆتایی به عیشق هێناوه. ( ناپلیون )
* ئهگهر کهسیك به دیقهتهوه پرۆسهی هاوسهرگیری ئهنجام نهدا، ئهوه دوو نهفهری بهدبهخت کردووه . ( محمد حجازی )
* له گهڵ هاوسهرهکهتدا وهك کتێبێك ههڵس و کهوت که . فهسڵه تاقهت پڕووکێنهکانی قهت مهخوێنهوه. ( سونی اسمارت )
* بۆ ژیانێكی پڕ له بهختهوهری مێرد دهبێت ( کهڕ ) بێ و ئافرهتیش ( لاڵ ) . ( سروانتس )
* هاوسهرگرتن زیرهکی زیاتر له بۆ شهڕ ڕۆشتن دهوێت . ( کریستین )
* تا یهك ساڵ له پاش هاوسهرگیری ، ژن و مێرد خراپهکانی یهکدی نابینن. ( اسمایلز )
* بهر له هاوسهرگیری چاوهکانتان بکهنهوه . پاش له هاوسهرگیری چاوهکانتان بنووقێنن. ( فرانکلین )
*ماڵی بێ ژن وهك گۆڕستانه. ( بالزاك )
* هاوسهرگرتن بریتییه له سێ حهوتوو ئاشنایی، سێ مانگ ئهشق، سێ ساڵ شهڕ و سی ساڵ سهبر کردن. ( تن )
مێرد مێشکی ماڵه و ئافرهت دڵ. ( سیرویس )
* ئهشق، بهرهبهیانی هاوسهرگیرییه و هاوسهرگیری ، چراکهرانی ئهشق. ( بالزاك )
* بهر له هاوسهرگیری،له مهڕ پهروهردهی مندالهوه شهش تیئۆریم ههبوو. ئێستا شهش منداڵم ههیه و خاوهنی یهك تیئۆریش نیم . ( لرد لوچستر )
* به هاوسهرگیری، پیاو به سهر ڕابردووی خۆیدا هێڵێك دهکێشێت و ژنیش به سهر داهاتوویدا. ( سینکالویس )
* خۆشی یه ڕاستهقینهکان پاش له هاوسهرگیری دێنه دونیا. ( باستور )
* به ههر شێوهیهك بووه، ژن بێنن. چوون ئهگهر ژنێكی باشتان دهست کهوت ، ئهوه فره بهختهوهر دهبن. وه ئهگهر گیرۆدهی یهکێکی خراپیش بن ، دهبنه فهیلهسووفێکی گهوره. ( سوقرات )
* بهر له ڕۆشتن بۆ شهڕ، یهك، دوو جارێک بۆ خۆت دوعا بکه و بهر له ڕۆشتن بۆ خوازبێنی ،سێ جار بۆ خۆتان دوعا بکهن. ( یهکێك له زانایانی لوهستانی )
* گوێرایهڵی پیاوهکانتان بن، تا ئهوانیش ئێوه بپهرهستن . ( کارول بیکر )
* من تهنیا به هاوسهری پیاوێك دهبم که ئهنتیکه ناس بێت. تا ههر چهند زۆرتر پیر بم، بۆ ئهو زیاتر خۆشهویسیت بم. ( ئاگاتا کریستی )
* ڕهچهڵهکی پیاو ئهو کاته دیاری دهبێت که له گهڵ هاوسهرهکهیدا له سهر شتی بچووك کێشهیان ساز بێت. ( شاو )
* کاتیك که بۆ زهماوهندهکهت مهسرهفێكی زۆر دهکهی، میوانهکات بۆ شهوێك خۆشحاڵ دهکهیت بهڵام خۆت بۆ زهمهنیك نیگران دهکهیت. ( ڕۆژنامه نووسێکی ئیرلهندی )
* هیچ ژنێك له بهر ڕهزای خوا مێرد ناکات به پیاو. ( سکۆتلهندی )
* ئهگهر به پارهی قهرز ببیت به زاوا، ئهوه ماڵئاوایی له خهنده بکه. ( ئهڵمانی )
* بهردهوام بوونی ژیانی هاوبهشی، بهشێكی پهیوهسته به سۆزهوه و نۆ بهشی به لێبووردوویی. ( سکۆتلهندی )
* هاوسهرگرتن دیاردهیهکه بۆ تهواو کردنی پیاو. ( سانسکریت )
* هاوسهرگیری گرێبهستێكی دوو نهفهرهیه که له ههموو دونیادا ئیعتیباری ههیه. ( مارك تواین )
ڕێکخراوی موجاهیدینی خهڵك و کایهی نیوان ئێران و یهکێتی ئوروپا
نووسیـــــنی : ئهحمــــهد زهید ئابــــــــادی
وهرگێڕانی بۆ کوردی: ئهحمهد خوسرهوی
هاو کات له گهڵ جهخت کردنهوهی کاربهدهدستانی عێراقی, بۆ داخستنی ئۆردوگای ئهشرهف و پێوێستی دهرکرنی ئهندامانی ئهو ڕێکخراوهیه لهو وڵاته، یهکێتی ئوروپا خهریکی ئهوهیه که ناوی ئهو ڕێکخراوهیه له لیستی گروپه تیرۆریستهکاندا پاك کاتهوه..
ههواڵدهری کۆماری ئیسلامی ئێران ( ئیرنا )، ڕۆژی ههینی له زاری موفق الربیعی ڕاوێژکاری کارو باری ئاسایشی نهتهویی عێراق، ڕایگهیاند که ( تا ماوهیهکی دیکه شاهێدی ئهوه دهبین، که ئۆردوگای ئهشرهف کهوتووهته زبڵدانی مێژووهوه )..
ئێرنا ههروهها ڕایگهیاند که ربیعی گوتویهتی ( له ناو دانیشتووانی ئۆردوگای ئهشرهف دا کهسانی وا دهناسین که دهستیان به خوێنی خهڵکی بێتاوانی عێراق سووره و ئێمه ئهو کهسانه ڕادهستی دادگای عێراقی دهکهین. ههروهها کهسانی وههاش دهناسین که دهستیان به خوێنی خهڵکی بێتاوانی ئێرانی سووره و ئهو کهسانهش به پێی ڕێککهوتنی ئاسایشی ،دهتوانین ڕادهستی ئێرانیان کهینهوه ) .
له گهڵ ئهمهشدا ( علی الدباغ ) وته بێژی ڕهسمی حکوومهتی عێراق ، له وتوێژێکدا له گهڵ ئهسۆشیتد پرێس ،له مهڕ دهرکردنی ئهندامانی ئهو ڕێکخراوهیه له عێراق، ههڵوێستێکی هێمنانهتری نیشاندا و جهختی کردهوه که ئهندامانی ئهو ڕێکخراوهیه هیچ کات به زۆر دهرناکهن.. به وتهی ئاغای دهباغ ، ئهوان هیچ کات ئهندامانی ئهو ڕێکخراوهیه به زۆر دهرناکهن و ڕادهستی حکوومهتی ئێرانیان ناکهنهوه.. وته بێژی حکوومهتی عێراق له سهر ئهوهش که ئهوان له ههڵسووکهوت کردن له مهڕ دهرچوونی ئهندامانی ئهو گروپه ( دڵخوازانه )، ڕێی مرۆڤدۆستانه له بهر چاو دهگرن.
ئهو له گهڵ ئهوهشدا که ڕێکهوتێکی دیارکراوی بۆ دهرچوونی ئهندامانی ئهو گروپه دیاری نهکرد، شکی لهوه دا نههێشتهوه که ئامانجی کۆتایی حکومهتهکهی، داخستنی ئهو ئۆردوگایه و پهروهندهی ڕێکخراوهی موجاهیدینی خهڵکه له وڵاتهکهیدا. خاڵێك که ڕێکخراوی ناوبراویش پهسهندی کردووه..
ئۆردوگای ئهشرهف،ساڵی 1986 له لایهن ڕێکخراوهی موجاهیدینی خهڵک به یارمهتی سهدام حوسهین له باکووری بهغدا دامهزرا . له گهڵ ڕووخانی ڕژیمی سهدام حوسهین له لایهن ئهمهریکاوه ، ئۆردوگای ئهشرهفیش کهوته ژێر کۆنترۆلی هێزهکانی ئهمریکایییهوه. ئهندامانی ئهو گروپه له لایهن هێزهکانی ئهمهریکایییهوه چهك کران. بهڵام سهرهڕای ئهوهش که ناوی ئهم گروپه له ساڵی 1997 له لایهن وهزارهتی دهرهوهی ئهمهریکاوه، له لیستی گروپه تیرۆریستییهکان، دانرا بوو، سوپای ئهمهریکا به پاڵ دان بهکۆنوانسیونهکانی ژنیفهوه، ئهندامانی ئهو گروپهی له ژێرچاوهدێری خۆیدا هێشتهوه...
بهڵام له پاش واژۆکرانی ڕێککهوتننامه ئاسایشییهکهی نێوان عێراق و ئهمهریکا، ئۆردوگای ئهشرهفیش کهوتهوه ژێر کۆنترۆلی هێزهکانی عێراقی و ئێستا دهوڵهتی نوری مالکی دهیهوێ کۆتایی به مانهوهی ئهوان له وڵاتهکهیدا بێنێ...
له عێراقهوه تا ئوروپا
هاوکات له گهڵ ئهم جم و جۆڵانهی لایهنی عێراقی، دیپلۆماته ئوروپییهکان باس لهوه دهکهن که،له کۆبوونهوهی ڕۆژی دووشهمهی وهزیرانی دهرهوهی یهکێتی ئوروپا دا، شیمانهی ئهوه دهکرێ ، که
ئهو یهکێتییه ناوی ڕێکخراوهی موجاهیدینی خهڵک له لیستی گروپه تیرۆریستییهکان دا پاک بکاتهوه. یهکێتی ئوروپا ساڵی 2002 گروپی ناوبراوی له لیستی گروپه تیرۆریستییهکاندا داناوه..
یهکێتی ئوروپا دهڵێت لابردنی شیمانهیی ناوی ڕێکخراوی موجاهیدین له لیستی گروپه تیرۆریستهکان، دهنگی سێ دادگای ئوروپایی له سهر بنهمای پێویستی یاسایی بۆ وهها ههنگاوێك پێویسته. دهنگی ئهو سێ دادگایهش له مهڕ ئهو باسه، قابیلی ئهنجامگیرییهو ئهوهش تا ئێستا تهواو نهبووه.
به ههر حاڵ، بریاری شیمانهیی یهکێتی ئوروپا بۆ پاك کردنهوهی ناوی موجاهیدین لهو لیستهدا، ههر چهنده که له نیگای ڕێبهرانی یهکێتی ئوروپاوه، لایهنی یاسایی ههیه، بهڵام هاوکات بوونی ئهوه له گهڵ بڕیاری عێراق بۆ دهرکردنی ئهندامانی گروپی موجاهیدین له عێراق، به تهواوی وهك ڕێککهوتێك ، به زهینا نایهت...
ڕاستییهکهی ئهوهیه که له بهر نهبوونی دامهزراوهیهکی نێو نهتهوهیی بۆ ناساندن و دیاری کردنی گروپه تیرۆریستهکان له سهراسهری دونیادا، ههر وڵاتێك به ڕوو کردن له بهرژهوهندی و نیگای تایبهتی خۆی بۆ مهسهله جیهانییهکان، هندیك گروپ له لیستی تیرۆریستی دا دادهنێن.
بۆ نموونه ئهمهریکا و یهکێتی ئوروپا گروپه فهلستینییهکانی وهك حهماس و جیهادی ئیسلامی له لیستی گروپه تیرۆریستهکاندا داناوه، له حاڵێکدا که زۆر وڵاتێک و به تایبهت وڵاتانی ئێران و سوریه، نهك تهنها ئهو دوو گروپه به تیرۆریست نازانن، بهڵکوو وهك هێزی ڕزگاریدهریش حیسابیان بۆ دهکهن..
له سهر ئهم بنهمایه، دانرانی ناوی رێکخراوهی موجاهیدین له لیستی وهها گروپێکدا له لایهن ئهمهریکا و یهکێتی ئوروپاوه له ساڵهکانی سهرۆکایهتی موحهمهدی خاتهمی دا، دوور له مهبهستی باش بوونی پێوهندی ئهوان له گهڵ ئێران دا نهبووه. ههر لهم ڕووهوه، له ئهمهریکا و به تایبهت له یهکێتی ئوروپاش دا کۆمهڵی وهها ههبوون که له سهر دانانی ناوی موجاهیدین لهو لیستهدا، ڕخنهیان گرتووه و ئهو ئیشهشیان به خاڵ دانێكی بێ هۆ به کۆماری ئیسلامی ناو بردووه..
ئێستا که به تێڕوانینێك بهو لێڵییهی که پێدهچێت به هۆی درێژهدانی کۆماری ئیسلامی له سهر بهرنامهی وزهی ئوتومی و پشتیوانی له گروپه فهلستینی و لوبنانییهکان ، له ڕێی پێوهندییهکانی ئێران و یهکێتی ئوروپاوه بێته کایهوه، به زهینا دێت که یهکێتی ئوروپا به تهمای ئهوهیه که له گروپی موجاهیدین وهك کارتێك لهم کایه ئاڵۆزهیدا له گهڵ کۆماری ئیسلامی کهڵک وهرگرێت..
لابردنی ناوی ئهم رێکخراوهیه له لیستی گروپه تیرۆریستهکاندا،ئهوهندهی که دهبێته هۆی تووڕهیی ئێران، ئهوهندهش گوشارهکان له سهریان زیاد دهکات، چوونکه له دیدی ڕێبهرانی ئێرانهوه، ئهم گروپه، مهترسیدارترین گروپی نهیاری کۆماری ئیسلامییه و ئازاد بوونی چالاکی ماڵی و ڕامیاری ئهوان له تهواوی ئوروپا دا. دهتوانێت ههڕهشهیهك بێت بۆ ئێران..
لابردنی ناوی موجاهیدین لهو لیستهدا، به مانای ئاڵ و گۆڕ هاتن به سهر بنچینهی سیاسهتی یهکێتی ئوروپا له ههمبهر کۆماری ئیسلامیدا نییه ، چوونکه یهکێتی ئوروپا بهرهو لای به ڕهسمی ناسینی ڕێکخراوهی موجاهیدین وهك بهدیلێك بۆ نیزامی کۆماری ئیسلامی ههنگاو نانێت و بهڵکوو لهوانهیه بیانهوێت که له وتووێژهکانی داهاتووی خۆیاندا له گهڵ ئێران، به کهڵك وهرگرتن لهم مهسهلهیه، ئێران له ڕاگرتنی کۆمهکهکانی به گروپهکانی حهماس و حزب الله به قهوڵا بێنن..
ئێران به گرنگترین سهرچاوهی چهکدارکردنی حزب الله و حهماس، له لایهن ولاتانی ئوروپایییهوه به ژومار دێت ئهو وڵاتانه له سهر ئهو باوهڕهن که تا کاتێك ئێران سیاسهتی خۆی لهو بوارهدا نهگۆڕێت، ئهگهر بۆ لابردنی ناوی ڕێکخراوهی موجاهیدین له لیستی گروپه تیرۆریستییهکاندا، وه ڕێگهدان به چالاکی ئازادانهی ئهوان له سهراسهری ئوروپادا، ههیه...
سهرچاوه: سایتی BBC
ئهو کچهی که بۆ درێژهدان به خوێندن کچێتی خۆی خسته مهزاتهوه
گۆڕینی له فارسییهوه بۆ کوردی
ئهحمهد خوسرهوی
کچێكی تهمهن 22 ساله بۆ به دهستهێنانی خهرجی خوێندنی فهوقه لیسانس، کچێتی خۆی خسته مهزاتهوه. تا کوو ئێستا 1000 پیاو بۆ خهوتن له گهڵ ئهو کچهدا لهو مهزاته بهشدارییان کردووه و نرخی تهنیا شهوێك خهوتن له گهڵیدا گهیشتووهته نرخێكی سهیر و باوهڕ پێنهکراو ،که ئهویش 3،7 میلیۆن دۆلاره...
ناتالی دیلان ی 22 ساڵه که له شاری ساندیا گۆ دهژی ، دهڵێت ئهم بیرهم پاش ئهوهی که خوشکهکهم ( ئاویا ) بۆ ماوهی سێ حهوتوو ،پهنای برده بهر لهشفرۆشی، به مێشکا هات..
به پێی ڕاپۆرتی ڕۆژنامهی حوڕیهت ،ناتالی ئیشارهی بهوه کردووه که له نێوان پیاوانی بهشدار له مهزاتهکهدا، پیاوی خاوهن خێزان و جێنتهڵمهنیش دهبینرێ...
ناتالی له درێژهی قسهکانی دا دهڵێ: ئهو پیاوانهی که نیازیان له بهشداربوون لهم مهزاتهدا .پێوهندییهکی درێژه له گهڵ مندا،با بهشدار نهبن. چوونکه ئهم ئیشه تهنیا بۆ یهك شهوه...
نزیکتر له ههر کات له یهکتر، پاش 200 ساڵ جودایی...
گۆڕێنی له فارسییهوه بۆ کوردی
ئهحمهد خوسرهوی
21.01.2009
له کاتێکدا که سنووری نێوان زۆر له وڵاتانی دونیا به سیمی دڕکدار، مین و پاسهوانی سنووری چهك بهدهست دهپارێزرێت، دوو وڵات له دونیادا ههن که سنوورهکانی نێوان ئهو دوو وڵاته، له دوو سهدهی ڕابردووه تا ئێستا به هێمنترین سنوور له دونیادا ناو براوه.
دانیشتووانی شاره سنوورییهکانی ئهو دوو وڵاته، هێنده سرووشتییانه تێکهڵ یهکتری بوونه، که له وڵاتێکدا ئیش دهکهن و لهوی دیکهیان دهژین. منداڵهکانیان له وڵاتێکدا دهڕۆنه قوتابخانه و بۆ مهله کردن بۆ مهلهوانگهیهك دهڕۆن، که له خاکی وڵاتی کهیه..
زۆربهی ئهو گهشتیارانهی که بۆ شاری ( هاپارانده ) ی سوئێد یان ( تورنیو ) ی فینلهند سهفهریان کردووه، له کاتی پیاسه و گهشت کردندا به بێ ئهوهی به خۆیان بزانن، له سنووری وڵاتێك تێپهڕیون و چوونهته ناو وڵاتێکی دیکهوه...
ئهمساڵ 200 ساڵی تهواو به سهر جودایی فینلهند له سوئێد و دامهزرانی دوو دهوڵهتی سهربهخۆ تێدهپهڕێت. ئهم دابڕانه، نهك ههر خهڵکی ئهم دوو وڵاتهی وهکووخهڵکی باقی وڵاتانی دیکهی دونیا تووشی ڕق ،نهفرهت، تۆڵهسهندنهوه، شهڕ و کێشه نهکرد، بهڵکوو ئێستا و پاش له 200 ساڵ لهو دابڕانه ،خهڵکی ئهم دوو وڵاتهی باکووری ئوروپا، له ههر کاتێک زیاتر له یهکتر نزیکن..
ڕۆژانی پێنج شهمۆ و ههینی 15، 16 ی یانیوهری 2009 سهرۆک کۆماری فینلهند و هاوسهرهکهی بۆ بهرز ڕاگرتنی یادی دووسهد ساڵهی جودایی فینلهند له سوئێد، بوون به میوانی کارل گوستاڤی شانزهیهم، ی پاشای سوئێد و شاژنی سوئێد خانمی سێلڤیا و له مهراسیمێکدا که جهمعێك له کاربهدهستانی پایه بهرزی ههر دو وڵات تێیدا بهشدار بوون، له پارلهمانی سوئێد ئهو یادهیان بهرز ڕاگرت...
ئهم دوو وڵاته که بۆ ماوهی 600 ساڵ ههر یهك وڵات بوون و ساڵی 1809 بوون به دوو. ئهمڕۆژه ههر دوویان له پیشکهوتووترین وڵاتانی دیموکراتی دونیان و لهو بارهوه ههمیشه وهك ڕهمز و ئولگو، ناویان لێ دهبرێ.. جێی باسه که ناوی یهکێك له پارتییه گهوره و به دهسهڵاتهکانی فینلهندی که له پارلهمانی ئهو وڵاتهشدا خاوهنی چهندین نوێنهر و له کابینهی حکوومهته هاوپهیمانهکانی ئهو وڵاتهدا چهندین وهزیر و ئێستاکهش له پارلهمانی ئوروپا دا نوێنهرێکی ههیه، ( پارتی گهلی سوئێد ) ی ناوه ...
سروودی ڕێبهندان...!
عارف عهزیزی_ سوئێد هاتهوه دووی ڕێبـــــهندان مانگـــی پـــڕ له شانــــازی ڕۆژی یهکـهم کۆمــــــار و یــــادی پێشـــــــــهوا قــــــازی ده ههستن ئهی کوردینــه ، با بچینــــــه پێشــــــوازی پهیمان دووپات کهینــهوه ، بـۆ کۆمـــار و بــــۆ قــــازی ڕێبهندان به تۆ قهســــهم ، ...........
نامهیهك بۆ بهڕێزان له ناوهندی چاك
ئهحمهد خوسرهوی
20.01.2009
ماندوو نهبن و له درێژهدان بهو ئهرکه پیرۆزهی که به ئهستۆتان گرتووه ،هیوای سهرکهوتنتان بۆ دهخوازم.
له ڕێگای ماڵپهڕه کوردییهکانهوه که ڕۆژانه سهردانیان دهکهم ههواڵی ههوڵه پیرۆزهکانی ئێوه که بۆ خزمهت کردنی نهتهوهی خاك داگیر کراوی کورده ، دهخوێنمهوه و به ڕاستی زهحمهتهکانتان جێی ئافهرین پێ گوتنه، ههر چهند که دڵنیام ئێوهی دڵسۆزی گهل و نهتهوه، چاوهڕوانی ئهو ئافهرینهش له کهس ناکهن...
بهڕێزان !
دوای به سهر کار هاتنی ڕژیمی به خوێنی کورد تینووی کۆماری ئیسلامی، ژومارهیهکی زۆر له کوردهکانی ناوچهکانی داڵههۆ و سهرپێڵی زههاو و سهلاسی باوهجانی .................
2009-01-18
سهرقڵا.نێت :.پێش ئهوهی دهست بكهین به گفتووگۆ پێم خۆشه كورتهیهك لهسهر خۆت باس بكهیت بۆ میوانان و ئهندامانی سهرقڵا.نێت؟
ئهحمهد خوسرهوی: .سهرهتا سوپاس بۆ بهرێزتان که ئهو دهرفهتهتان بۆ من ڕهخساندووه ، من ئهحمهد خوسرهوی خهڵکی ناوچهی سهلاسی باوهجانی سهر به پارێزگای کرماشانی ڕۆژههڵاتی کوردستانم و پاش ئاواره بوو نی باوک و دایکم بۆ باشووری کوردستان به هۆی هاتنه سهر کاری ڕژیمی دژ به گهلی کوردی کۆماری ئاخوندی، ساڵی 1981 له باشووری کوردستان هاتوومهته دونیا و له ساڵی 1982 له لایهن ڕژیمی بهعسی ڕووخاوهوه بۆ ئوردوگایهك به ناوی ( رومادی ) یان (ئهلتاش ) ههڵکهوتوو له نزیك شاری ڕومادی ناوهندی پارێزگای ئهلئهنبار، وێرای ههزاران خانهوادهی ................